Watu 5 wa familia moja wateketea kwa moto

WATU watano wa familia moja wamefariki dunia baada ya nyumba yao kuteketezwa kwa moto uliodaiwa kuwashwa kimakusudi kuteketeza familia hiyo huko Vijibweni Wilayani Temeke.
Tukio hilo lilitokea usiku wa kuamkia jana majira ya usiku, huko maeneo ya Vijibweni Temeke ambapo ajali hiyo imetokana na ugomvi wa kimapenzi kutoka kwa mmoja wa wanafamilia hiyo.Watu hao wote kwa pamoja waliweza kupoteza maisha usiku huo baada ya nyumba hiyo kuteketea kwa moto wakiwa ndani kwao katika chumba kimoja kwa pamoja.Wanafamilia hao walioteketea kwa moto ni baba wa familia, John Onesmo (32) ambaye ni mfanyabiashara wa samaki eneo la Feri, mke Catherine John (25), watoto wao wawili ambao ni Joyce John (5) na Oliver John na Esther Amos (20) ambaye ni mdogo wa Catherine. Moto huo uliolipuliwa majira ya saa 6 usiku, ulidaiwa kulipuliwa na mchumba wake Ester aliyetambulika kwa jina la Shemsa Mpelela (22), kutuhumiwa kuchoma moto nyumba hiyo kwa kutumia mafuta aina ya petroliKwa mujibu ya maelezo ya majirani usiku huo walisikia mlipuko mkali na walidhani kuwa pikipiki imepasuka tairi ama mlio wa risasi na kuamka na kuona nyumba hiyo inawaka moto. Majirani waliweza kuamka kwa kushirikiana kutaka kuwaokoa watu hao lakini ilishindikana kwa kuwa moto ulishapamba kuzingira nyumba hiyo na juhudi zilishindikana na watu hao kumaliza maisha ndani humoHata hivyo zimamoto lilichelewa kufika eneo hilo kutokana na ubovu wa barabara na gari lilikwama njiani. Askari walipofika eneo la tukio na baada ya moto huo kuzimwa walipoingia ndani tayari watu hao walishapoteza maisha na John alikutwa amekumbatia watoto wake kitandani.Tukio hilo ambalo moja kwa moja linahusishwa na ugomvi kati ya Ester na Shemsi majirani walidai kuwa mwaka jana Esther alipomaliza darasa la saba Manyoni, Singida, alikuja kwa dada yake huyo kuishi nae. Ilidaiwa na majirani hao kuwa Ester alianza tabia ya kuwa na mahusiano ya kimapenzi na wanaume mahali hapo hali ambayo dada yake alikuwa akigombana nae hadi ilifikia hatua dada yake huyo kumrudisha kijijni kwao kutokana na tabia zake hizo.Ilidaiwa kuwa Ester alirudi tena jijini kwa kurudishwa na nauli aliyotumiwa na Shemsi na kwenda kuishi nae Kigamboni nyumbani kwa Shemsi na alirudi na kuja tena kwa dada yake baada ya kutokea ugomvi wa kimapenzi ambao haujafahamika chanzo chake hali iliyopelekea Shemsi kumchoma kisu Ester shingoni na tumboni. Na dada yake kwa kushirikiana na mume wake walijaribu kumtafuta Shemsi na hawakuweza kumpata na hawakujua yuko wapi. Na usiku wa kuamkia jana baada ya tukio hilo kutokea dumu ambalo lilikuwa na mafuta hayo lilionekana pembezoni mwa nyumba hiyo ambayo ilikuwa haijaisha na kumalizika chumba hicho na kuhamia.Polisi Mkoani Temeke limethitisha kutokea kwa tukio hilo na tayari linafanyia kazi tukio hilo la kusikitisha.

Hukumu ya Liyumba ni kama Mazingaombwe!

MAHAKIMU kuwa katika jopo hakumaanishi kuwa katika kufikia uamuzi watafanana katika fikra, welewa na mtazamo na hilo limedhihirika katika hukumu dhidi ya aliyekuwa Mkurugenzi wa Utumishi na Utawala wa Benki Kuu ya Tanzania (BoT), Amatus Liyumba. Jopo hilo jana lilitofautiana na kuweka rekodi ambayo itakuwa ya mfano hata kwa wasomi wa sheria, baada ya Hakimu Edson Mkasimongwa kutofautiana na mahakimu wenzake Lameck Mlacha na Benedict Mwingwa. Wote walikuwa wameunda jopo la kusikiliza kesi ya matumizi mabaya ya madaraka dhidi ya Liyumba, ambaye mahakimu Mlacha na Mwingwa walimwona ana hatia na hivyo kumhukumu kifungo cha miaka miwili jela. Lakini kwa upande wa Mkasimongwa, alimwona Liyumba kuwa hana hatia kwa kuwa mahakama ilishindwa kuthibitishiwa kama kweli alitumia madaraka yake vibaya katika ujenzi wa jengo pacha la BoT. Hata hivyo Mkasimongwa alisema kwa kuwa wengi wape, hukumu ambayo itahesabika kuwa ndio uamuzi wa mahakama itaanza kusomwa na kufuatia yake ambayo itabakia kuwa kumbukumbu ya mahakama na kuhifadhiwa katika jalada la kesi hiyo. Mkasimongwa katika uamuzi wake alisema mshitakiwa hana kesi ya kujibu kwa sababu mashitaka dhidi yake hayakuthibitishwa bila kuacha shaka yoyote kama sheria inavyotaka kwa kuwa kuna maswali mengi yalikosa majibu. Akisoma hukumu yake ambayo aliiita mbadala, alisema katika barua zilizoletwa mahakamani na upande wa mashitaka kama vielelezo zikidaiwa kusainiwa na mshitakiwa, hazina majibu kwamba ni kweli alifanya mabadiliko hayo na kama alikuwa na mamlaka hayo, vile vile haikuelezwa na upande wa mashitaka kuwa menejimenti nayo ilikuwa ikijibu nini. “Kuna uwezekano mabadiliko yale yaliridhiwa na Gavana na menejimenti yote, isingeleta swali kama kungekuwa na majibu au maelekezo tofauti,” alisema Mkasimongwa akiongeza kuwa ilitakiwa barua zilizokuwa zikimjibu mshitakiwa ziletwe, ili kujua na Utawala na Gavana walikuwa na uamuzi gani. Hivyo aliridhika kusema hakuna matumizi mabaya ya ofisi aliyotenda mshitakiwa. Hakimu Mlacha ambaye alisoma hukumu halisi alianza kwa kumkumbusha mshitakiwa mashitaka aliyofikishwa nayo mahakamani hapo ya kuisababishia Serikali hasara ya Sh bilioni 221. Hata hivyo mashitaka hayo yalifutwa na mahakama baada ya kukosa hatia wakati upande wa mashitaka ulipofunga ushahidi wake, pamoja na ya matumizi mabaya ya ofisi aliyokuwa amebaki nayo. Mlacha alisema katika hukumu hiyo aliyoanza kuisoma saa 3.50 hadi saa 7.20 mchana, kwamba bila shaka ushahidi ulionesha mshitakiwa alikuwa mtumishi wa umma katika kipindi chote cha mwaka 2001 hadi mwaka juzi kwenye Mradi wa 10 Mirambo (majengo pacha) anaodaiwa kubadili sura yake wakati ukitekelezwa, kwa mujibu wa mashahidi wanane walioletwa na upande wa mashitaka na wawili wa utetezi. Aidha alisema, mahakama inapingana na ushahidi uliotolewa na upande wa utetezi ambao ulitolewa na mshitakiwa na Bosco Kimela ambaye alikuwa Katibu wa Bodi ya BoT ambao walidai kuwa Liyumba hakuhusika na mabadiliko ya sura ya mradi na badala yake kuutupa mpira kwa Gavana wa wakati huo Daudi Ballali na Meneja wa Mradi, Deogratius Kweka. Katika ushahidi wao, walidai kuwa ingawa mradi ulikuwa chini ya kurugenzi yake, lakini mshitakiwa hakuhusika kutoa uamuzi. Vile vile mahakama haikubaliani na ushahidi wao kuwa Gavana alimteua mshitakiwa kwa mdomo, kusaini barua kwa niaba ya BoT, kwa kile walichodai kuwa Kweka hakuwa mwajiriwa wa kudumu wa benki hiyo. Hata hivyo, katika uamuzi wa mahakimu hao walikubaliana na ushahidi wa upande wa Serikali kwamba mawasiliano yoyote ya ndani ya ofisi za BoT yalifanyika kwa njia ya maandishi na si kwa mdomo kama Liyumba alivyodai kupewa jukumu la kusaini barua kwa mdomo huku kukiwa na ushahidi mwingine kwamba Gavana naye hakuwa na uamuzi wa mwisho bali Bodi ya Wakurugenzi. “Katika mradi huo uliolengwa kutekelezeka kwa mujibu wa mkataba, inakubalika kuwa haukutekelezeka kama ilivyotakiwa, yalikuwapo mabadiliko makubwa, ushahidi ulionesha kwamba katika matumizi yote ya maendeleo Bodi ndiyo ilikuwa na mamlaka ya mwisho, lakini katika mradi huu, kanuni hiyo haikufuatwa, fedha zililipwa bila utaratibu,” alisema Mlacha. “Mahakama inasema mshitakiwa alisaini barua zote zilizokuwa zikitoa maelekezo ya kubadili mradi na alifanya hivyo bila mamlaka kinyume cha sheria matumizi yaliyoongezeka na kuathiri BoT na bila shaka Taifa kwa jumla,” aliongeza. Baada ya mshitakiwa kuondolewa mahakamani, ndugu zake walilia huku wakidai kutoridhishwa na uamuzi huo. Hata hivyo wakili Majura Magafu anayemtetea Liyumba, alisema jana wangewasilisha notisi Mahakama ya Rufaa ili kuonesha nia yao ya kukata rufaa kwani ni imani yao kuwa ushahidi katika kesi hiyo haukuchambuliwa ipasavyo. Mtuhumiwa huyo alikaa rumande kwa zaidi ya mwaka mmoja na miezi mitatu baada ya kushindwa kutimiza masharti ya dhamana yaliyomtaka kutoa Sh bilioni 110. Akiwa katika basi linalobeba washitakiwa lenya namba STK 4373, saa 7.41 mchana Liyumba alianza safari yake akitokea Kisutu kuelekea makazi yake mapya ambako atatumikia kifungo hicho cha miaka miwili jela.

Chanzo:Habari leo

Je kulikuwa na umuhimu wa kupiga hii picha?

Ajira inapokuwa ngumu

Obama ndani ya jinamizi la kashfa ya ngono

Rais Barack Obama wa Marekani anadaiwa kuisaliti ndoa yake na Michelle Obama kwa kujirusha na mrembo wa Marekani mwenye asili ya Afrika, Vera Baker.Mwaka 2004 wakati Obama akipiga kampeni za useneta ilidaiwa kuwa alijivinjari chumba kimoja hotelini na mrembo Vera Baker ambaye wakati huo alikuwa ana umri wa miaka 29.Wakati huo Vera alikuwa mdau wa karibu wa Obama kwenye kuchangisha fedha za mfuko wa kampeni na alifanikiwa kuchangisha mamilioni ya dola.Miaka sita ikiwa imepita bila ya ushahidi hata wa picha kutolewa, jarida maarufu la Marekani National Enquirer limeliibua upya soo hilo likisema kwamba lina ushahidi wa video kuthibitisha kuwa Obama aliisaliti ndoa yake.Jarida hilo ambalo lilijipatia umaarufu mkubwa mwaka jana baada ya kuibua skendo la mgombea urais John Edwards kuwa anajivinjari kwa siri na mrembo Rielle Hunter na kwamba amezaa naye mtoto mmoja.Hivi sasa National Enquirer linasema kwamba lina ushahidi wa video za kamera ya ulinzi kwenye hoteli ya jijini Washington D.C ambayo Obama na Bi Vera wanadaiwa kupumzika kwenye chumba kimoja.Jarida hilo limesisitiza kuwa iwapo watu wataziona video walizo nazo basi wataamini kuwa rais Obama aliisaliti ndoa yake na Michelle Obama.Obama hajasema chochote tangia National Enquirer lilipoliibua tena skendo hili ingawa Vera alishawahi kukanusha kuwepo kwa uhusiano wowote wa kimapenzi kati yake na Obama.Wafuasi wa chama cha Democratic cha rais Obama wanaamini kuwa skendo hili ni njama za Republican kummaliza kisiasa rais Obama

Maisha kusaidiana!!

Baba na Mama wakiwa mzigoni

Waziri Mkuu wa Ubelgiji awasilisha barua ya kujiuzulu

Ubelgiji inaonekana kuingia tena katika mzozo wa kisiasa, baada ya Waziri Mkuu wa nchi hiyo, Yves Leterme kuwasilisha barua yake ya kujiuzulu kufuatia mgogoro wa lugha. Mgogoro huo ni kati ya jamii inayozungumza Kifaransa na ile inayozungumza Kiflemish. Chama cha kiliberali katika serikali ya Leterme, kimejiondoa katika serikali ya muungano kutokana na sheria za uchaguzi katika vitongoji vya mji mkuu wa nchi hiyo, Brussels. Kiasi jamii ya watu 1,000 wanaozungumza Kiflemish waliingia mitaani kudai mipaka ya wilaya za uchaguzi iwekwe kulingana na lugha. Mfalme Albert wa Pili kwa sasa amekataa hatua ya kujiuzulu Bwana Leterme, akisema kuwa hatua hiyo itatishia ustawi wa Wabelgiji na pia nafasi ya nchi hiyo barani Ulaya. Ubelgiji inajitayarisha kuchukua nafasi ya uenyekiti wa Umoja wa Ulaya mwezi Julai, mwaka huu.

Maimatha kudhamini shindano la uchezaji wa Kiduku!

MAKUNDI matano kati ya nane yamefanikiwa kuingia fainali ya mashindano ya kutafuta bingwa wa kucheza kiduku kwa mwaka huu,baada ya kushinda katika nusu fainali iliyofanyika katika ukumbi wa Traventain uliopo magomeni. Mashindano hayo ambayo,yameandaliwa na Manywele Entertaiment,ambayo ipo chini ya Maimartha,yaliwakutanisha makundi nane kutoka sehemu mbalimbali katika jiji la Dar es Salaam. Katika shindano hilo ambalo wakazi wengi kutoka sehemu mbalimbali katika jiji la Dar es Salaam,walihudhuria na kuujaza ukumbi na kusababisha baadhi ya watu wakose viti vya kukalia na kukaa chin. Vikundi vilivyofanikiwa kuingia fainali ni Vidaleki kutoka Magomeni Makuti,ambao walikuwa wa kwanza kwa kujikusanyia kura 830 na kufutiwa na Stavanga kutoka Mwananyamala waliopata kura 790,washindi wa tatu walikuwa Mazombi kutoka kwa Alimaua A ambapo walipata kura 660,waliofanikiwa kushika nafasi ya nne na tano ni Vsquer kutoka Yombo waliopata kura 650 na Wanaume Fight kutoka Makumbusho waliojikusanyia kura 560. Katika shindano hilo la kumtafuta mkali wa kucheza kiduku,fainali yake inatarajiwa kufanyika Mei 2 mwaka huu,ambapo mshindi wa kwanza atajinyakulia kitita cha Dola 250 za Kimarekani. Hata hivyo Msimamizi wa Shindano hilo Maimartha,hakutaja ukumbi ambao utatumika siku hiyo ya fainali,na kuwatangazia mashabiki waliojitokeza katika shindano hilo,kuwa sehemu ambayo itafanyikia fainali itatangazwa siku zijazo,kabla ya fainali hiyo.

'ChemChem' ya Pesa Mkoani Ruvuma Yavuta Wengi

WAKAZI wa wilaya ya Songea mkoani Ruvuma wamekuwa wakikesha wilayani humo usiku na mchana wakisubiria pesa zinazotoka chini ya mti mithili ya chemchem. Baadhi ya Wakazi wa mji huo inasemekana waligundua maajabu hayo kwenye mti huo na baada ya wakazi hao kuanza kujizolea pesa toka kwenye mti huo habari ghafla zilisambaa mkoani Ruvuma kuwa kuna mti una chemchem ya pesa.Ilidaiwa kuwa wakazi hao walipokuwa wakipita chini ya mti huo waliona pesa zikitoka chini ya mti na pamoja na kustaajabishwa na tukio hilo wakazi hao waliamua kuzichukua pesa hizo.Taarifa zaidi zilisema kwamba kwa muda wa siku mbili mfulululizo wakazi wa wilaya ya Songea waliendelea kuziokota pesa zilizokuwa zikitoka kwenye mti huo.Pesa hizo inadaiwa zilikuwa zikitoka mithili ya chemchem zikiwa ni noti tofauti tofauti zikiwemo na noti za shilingi elfu kumi, tano na kadhalika.Baadhi ya watoto waliowahi kuhojiwa na mwakilishi wetu wa nifahamishe kutoka eneo la tukio, watoto hao walidai kuwa walishajizolea pesa hizo na walizipeleka kwa wazazi wao nyumbani.Walidai kuwa pesa hizo zilikuwa zikitoka chini ya ardhi na mamia ya watu toka sehemu mbalimbali za mkoani Ruvuma walikuwa wakizigombania kila zilipoanza kuchomoza.Watu wazima waliohojiwa na Nifahamishe nao pia walithibitisha kujizolea noti hizo zilizodaiwa kutoka kwenye chemchem hiyo.Kwa kuwa pesa pesa hizo zilikuwa zinatumia muda mrefu kutoka kwenye chemchem hiyo, maelfu ya watu kutoka wilaya tofauti wamekuwa wakiweka kambi eneo hilo kusubiria pesa hizo.Tukio hilo limethibitishwa na polisi mkoani humo na walisema wanafanya uchunguzi wa kina kubaini kuwa pesa hizo zinakuwa zinatoka wapi.

Baba ashikiliwa kwa tuhuma za kumkanyaga mtoto wake kwa gari na kusababisha kifo

MKAZI wa Makumbusho, Gharibu Ayubu (35) anashikiliwa kituo cha polisi Kinondoni jijini hapa kwa kumkanyaga kichwani kwa gari lake hadi kufa, mtoto wake, Ayubu Gharibu aliyekuwa na mwaka mmoja na miezi mitano wakati alipokuwa akirudi nyuma ili kutoka katika nyumba yake wakati akitaka kuelekea Sinza. Kamanda wa Polisi Mkoa wa Kinondoni, Elius Kalinga aliwaambia waandishi wa habari jana kuwa tukio hilo lilitokea juzi saa 2.00 asubuhi katika nyumba ya Gharibu iliyopo barabara ya New Bagamoyo eneo la Makumbusho katika Wilaya ya Kinondoni. Kalinga alisema tukio hilo lilitokea baada ya mtoto huyo kutaka kwenda na baba yake asubuhi hiyo, lakini baba yake akamkabidhi kwa mkewe ambaye alirudi naye ndani, lakini baada ya muda mtoto huyo alitoka tena nje na kulifuata gari hilo bila mama yake kujua. Alisema mtoto huyo alipolifikia gari hilo aina ya Toyota Folona alikwenda kusimama nyuma yake na Gharibu alipokuwa akirudi nyuma ili aweze kupata mwelekeo wa kutoka katika nyumba yake kuelekea Sinza ghafla akamkanyaga mtoto huyo kichwani na kumsababishia kifo kwa kuwa aliumia sana kichwani. Kamanda Kalinga alisema Gharibu anashikiliwa na jeshi lake na atafikishwa mahakamani huku uchunguzi wa kesi yake ukiendelea kufanyika.

Ajuza wa miaka 102 aanza darasa la kwanza

Bibi mmoja nchini China amekuwa mwanafunzi mwenye umri mkubwa kuliko wote duniani baada ya kuamua kuanza darasa la kwanza akiwa na umri wa miaka 102. Ma Xiuxian, kutoka Jinan, katika jimbo la Shandong alifanikiwa kutimiza ndoto yake ya kuanza elimu ya msingi akiwa na umri wa miaka 102.Ma alianza kufanya kazi kwenye kiwanda cha nguo tangia alipokuwa na umri wa miaka 13 na kwa miaka yote aliendelea kufanya kazi huku akiwa na ndoto ya kuwa na angalau elimu ya shule ya msingi.Ma aliolewa akiwa na umri wa miaka 18 na alifanikiwa kupata watoto tisa, saba kati yao ni wahitimu wa shahada ya kwanza ya chuo kikuu.Ma alipewa nafasi ya kusoma kwenye shule hiyo baada ya kulieleza gazeti moja la mjini mwake kuwa alikuwa na ndoto ya muda mrefu sana ya kwenda shule."Nina furaha sana nimeweza kutimiza ndoto yangu ya kwenda shule ingawa katika umri huu", alisema Ma.Ma alienda shuleni akisindikizwa na mwanae wa mwisho wa kiume Yi Fengxin mwenye umri wa miaka 58.Katika somo lake la kwanza katika shule yake ya Weishan Road Primary School, Ma alisema "Nawashukuru walimu wangu, nawashukuru wanafunzi wenzangu nawaahidi nitajisomea kwa nguvu zote na nikimaliza shule nitasaidia kulijenga taifa".Ma anatumia kifaa cha kumsaidia kusikia vyema ili aweze kuwasikia walimuwa wake vizuri na huwatumia wanafunzi wenzake kumsaidia kusoma vitabu vya masomo yake.Ma ameingia kwenye rekodi za dunia kwa kuwa mwanafunzi mzee kuliko wanafunzi wote duniani.

Mauaji Musoma mganga aongezwa

Kesi ya mauji ya kikatili ya watu 17 wa ukoo mmoja imechukua sura mpya baada ya mtu anayesadikiwa kuwa mganga wa kienyeji kuunganishwa kesi ya mauaji inayowakabili watuhumiwa wengine 18. Mganga huyo ambaye ni mwanamke pekee katika kesi hiyo, alitajwa kuwa ni Mariam Sivanus Masatu, anadaiwa kufanikisha mipango ya mauaji hayo. Masatu jana alipandisha kizimbani kwa mara ya kwanza na kusomewa shitaka la kushiriki katika mauaji hayo yaliotokea usiku wa Februari 16, mwaka huu katika eneo la Buhare, nje kidogo ya Manispaa ya Musoma. Mwendesha Mashitaka, Mrakibu wa Polisi, Gabriel Bonanza, alidai mahakama hiyo mbele ya Hakimu Mkazi Mfawidhi, Husen Mushi, kuwa kufikishwa mahakamani kwa mtuhumiwa huyo kunaongeza idadi ya kutoka 19 hadi 20, ingawa alisema mtuhumiwa mmoja kati yao amefariki dunia hivyo kubakia watuhumiwa 19. Alimtaja mtuhumiwa aliyefariki kuwa ni Daudi Nyamagati Makika huku akiitaarifu mahakama kuwa mtuhumiwa mwingine, Bundara Ikaka, alishindwa kufika mahakamani jana kutokana na kuwa mgonjwa na kwamba amelazwa katika Hospitali ya Mkoa wa Mara. Wathumiwa hao hawakutakiwa kujibu chochote dhidi ya mashitaka 17 ya mauaji na matatu ya kujaribu kuua ambayo yanawakabili. Walirejeshwa rumande hadi Aprili 14, mwaka huu. Polisi wengi walimwagwa kuimarisha ulinzi ili kuepusha uwezekano wa watuhumiwa hao kushambuliwa na watu wenye hasira. Wakazi wengi wa manispaa ya Musoma walijitokeza kuwashuhudia watuhumiwa wakiingia mahakamani. Hati ya mashitaka iliyosomewa watuhumiwa hao, ilidaiwa kuwa watuhumiwa hao waliwaua watu 17 kwa kukusudia wakati wakijua ni kosa. Watuhumiwa katika kesi hiyo ni Marwa Mau Mgaya (16), Matiko Mgasa, Juma Mgaya, Juma Kinonko, Daudi Nyamagati, ambaye ni marehemu, Aloyce Nyakumu, Bahati Simeo, Nyakangara Wambura na Nyakangara Masemere. Wengine ni Kumbata Alphonce, Alphonce Nyabugimbi, Sodaki Alphonce, Mikindo Mgendi, Mole Magesa, Vedastus Nyangeta na Sospiter Mbita, ambaye ni mwalimu wa Shule ya Nsingi Kukirango Usiku wa Februari 16 mwaka huu katika mtaa wa Bugaranjabho watu wasiofahamika walivamia familia tatu za ukoo mmoja na kuwaua kwa kuwachinja na kuwaatakata mapanga watu 17 wakiwemo watoto wachanga kwa kile kilichadaiwa ni ulipizaji wa visasi.

Tahadhari kwa wanywaji wa Windhoek na Heineken

KAMPUNI bia ya Mabibo Beer inspirit ya jijini Dar es Salaam imetoa tahadhari kwa wananchi kwa kuwa na wimbi kubwa la uingizwaji wa bia bandia nchini aina ya Heineken na Windhoek. Kampuni hiyo imesema vinywaji hivyo huingizwa nchini kupitia wao lakini kwa sasa kuna watu binafsi wamejitokeza kuingiza bia hizo bandia na kuzisambaza wakitumia nembo hizo kinyume na sheria.

KOVA aamuru kufungwa kwa BAR zote zilizopo karibu na Vituo vya POLICE

KAMANDA wa Polisi Kanda Maalumu ya Dar es Salaam, Suleiman Kova ameagiza baa zote zilizopo karibu na vituo vya polisi katika jiji la Dar es Salaam zifungwe sizieneldee na biashara hiyo kwa usalama zaidi wa vituo. Kamanda Kova alitoa tamko hilo jana ofisini kwake wakati akizungumza na waandishi wa habari.Amesema lengo la kufunga baa hizo ni kupisha usalama wa vituo na kupisha huduma hiyo muhimu ambayo baa imeonekana ni moja ya vikwazo inayoikabili vituo hivyo.Amesema baa hazina umuhimu kama vituo vya polisi na wanafanya mpango ubadilishwa kuendesha shughuli hizo na kupewa leseni za kuwa maduka ya bidhaa nyingine za kawaida.

`Liyumba ana kesi ya kujibu`

Upande wa Jamhuri katika kesi ya matumizi mabaya ya ofisi na kuisababishia serikali hasara ya Sh. bilioni 221.1 dhidi ya aliyekuwa Mkurugenzi wa Utumishi na Utawala wa Benki Kuu ya Tanzania (BoT), Amatus Liyumba, umeiomba mahakama kumuona ana kesi ya kujibu. Upande wa Jamhuri umetoa hoja hiyo kwa kubainisha kuwa Liyumba alihusika kupitisha malipo ya ujenzi wa ghorofa kabla ya kibali cha bodi ya BoT. Wakijibu hoja za upande wa utetezi, upande wa Jamhuri umedai kuwa Liyumba anadaiwa kufanya mabadiliko hayo katika mradi huo bila kwanza kuomba idhini ya bodi na badala yake aliomba kibali baada ya kufanya mabadiliko. Hoja hizo zimewasilishwa jana alasiri katika Mahakama ya Hakimu Mkazi Kisutu, jijini Dar es Salaam. Ilidaiwa kuwa katika ushahidi uliotolewa na mashahidi nane dhidi ya mshitakiwa huyo, ni rai ya upande wa Jamhuri kwamba mahakama imuone mshitakiwa ana kesi ya kujibu. Hata hivyo, mahakama baada ya kupokea hoja za pande zote mbili kwa njia ya maandishi, hatma ya Liyumba kujitetea au kuachiwa huru itajulikana Aprili 9, mwaka huu. Pia upande huo wa mashtaka umeeleza kwamba ushahidi huo na kupitia vielelezo 13 vinatosha kabisa kuishawishi mahakama kumuona mshtakiwa ana kesi ya kujibu. Machi 22, mwaka huu, upande wa utetezi uliomba mahakama kumuona mshitakiwa hana kesi ya kujibu baada ya ushahidi uliotolewa kutokuwa na nguvu hivyo mahakama imuachie huru. Machi 15, mwaka huu upande wa mashtaka ulifunga ushahidi dhidi ya kesi hiyo ambapo mahakama iliamuru pande zote ziwasilishe hoja za kama mshtaka ana kesi ya kujibu au la, kwa njia ya maandishi.

Chanzo: Nipashe

Mama Kikwete anusurika katika ajali Mara

MKE wa Rais Mama Salma Kikwete anusurika kifo kwa ajali mbaya baada ya msafara wake kuingia doa kwa kuvamiwa na lori na kugonga magari matatu ya msafara huo. Ajali hiyo ilitokea jana wilayani Rorya mkoani Mara wakati Mama Salma akiwa ziarani mkoani humo. Kamanda wa Polisi Tarime, Bw. Constantine Masawe alithibitisha kutokea kwa ajali hiyo na alisema lori hilo lilisimamishwa na askari wa barabarani lisimame ili kupisha msafara huo na kukaidi na kuingia barabarani na kusababisha ajali hiyo.Amesema kuwa lori hilo liligonga magari matatu ya nyuma ya msafara huo na kusababisha ajali ambayo haikuwa ya lazima kwa muda huo.Amesema lori hilo lilikuwa linatokea nchini Kenya ambapo ilidaiwa pia lori hilo lilikuwa limebeba mali za magendo.Hivyo imedaiwa dereva huyo ameshikiliwa na jeshi hilo ili kujibu tuhuma hizo.Hata hivyo hakuna aliyeweza kupoteza maisha katika ajali hiyo.

Ujerumani launda Jopo maalum kuchunguza malalamiko ya dhuluma za kijinsia

Baraza la mawaziri la Ujerumani limeunda jopo maalum litakalovichunguza visa vya madai ya dhuluma za kijinsia vilivyotokea tangu miaka ya 1950 katika shule za Kikatoliki na za binafsi.Jopo hilo litasimamiwa na wizara za Sheria, Masuala ya Jamii na Elimu. Kwa mujibu wa Waziri wa Sheria Sabine Leutheusser-Schnarrenberger,wajibu wa jopo hilo ni kujaribu kuhakikisha kuwa madai mengine mapya yanaripotiwa kabla ya kumalizika muda uliowekwa wa kuwachukulia hatua za kisheria wahalifu wa kijinsia.Waziri wa masuala ya Jamii wa zamani,Christine Bergmann ndiye aliyeteuliwa kuwa msimamizi wa jopo linalochunguza visa vilivyotokea muda mrefu uliopita ambavyo haviwezi kuchunguzwa na polisi. Mpaka sasa watu 250 walioathirika wamejitokeza.Wakati huohuo Papa Benedict wa XVI alilikubali ombi la kujiuzulu la askofu mmoja wa Kanisa Katoliki la Ireland aliyekuwa msaidizi wa binafsi wa mapapa 3 waliomtangulia.Askofu John Magee wa Cloyne,Ireland alitajwa katika uchunguzi wa mwaka uliopita akidaiwa kuwa hakuchukua hatua mwafaka wakati visa vya dhuluma za kijinsia viliporipotiwa kutokea katika dayosisi yake

Magardener kazi kwenu

CCJ yapokea kigogo wa CCM

JANA mbunge wa jimbo la Kishapu mkoani Shinyanga, Bw. Fred Mpendazoe ametangaza rasmi kujiengua CCM na kujiunga na Chama cha Jamii CCJ. Hivyo kutokana na maamuzi hayo chama hicho kipya cha jaamii kilichotangaza awali kuwa kuna vigogo wa CCM watakifata chama hicho hivyo imethibitisha kauli hiyo baada ya mbunge huyo kuwa wa kwanza kujiengua na CCM na kujiunga huko.Alisema amejiengua na CCM ili kuweza kutetea maslahi ya wananchi wanyonge ambapo ameona ndani ya CCM jambo ambalo halitaweza kutekelezwa kwa kuwa kila mtu anatetea masilahi yake binafsi na si kutazama wananchi wapiga kura.Alifafanua kuwa serikali inayoundwa na CCM inayumba kwa kushindwa kutekeleza maazimio ya Bunge kuhusu sakata hilo la Richmond ambalo lilihusisha serikali kuipa zabuni ya kufua umeme wa dharura kampuni hiyo bila kufuata Sheria ya Manunuzi ya Umma, kashfa ya mgodi wa Kiwira kuuzwa kwa bei nafuu na mkataba wa uendeshaji wa Shirika la Reli (TRL) ambao umezorotesha kabisa huduma za reli ya kati. Hivyo kwa kujiunga kwake ataweza kurekebisha mambo hayo kwa kujiunga na chama hicho.Alisema CCM imetekwa na wafanyabishara wanaojikita katika kuwania nyadhifa mbalimbali kwa lengo la kuficha maovu yao badala ya kuwatetea wananchi"Nimeishi kwa matumaini ndani ya CCM kwa muda mrefu na sasa natangaza wazi kuwa nakihama chama hicho na kuhamia chama mbadala ambacho ni CCJ," alisema Mpendazoe

Mzee wa miaka 96 aoa binti wa miaka 30

kibabu cha umri wa miaka 96 wa nchini Taiwan kimekuwa gumzo nchini humo baada ya kufunga ndoa na mwanamke aliyemzidi miaka 66. Babu Lin Chung ameweka rekodi ya kuwa bwana harusi mwenye umri mkubwa kuliko wote nchini Taiwan baada ya kufunga ndoa na mwanamke mwenye umri wa miaka 30.Chung amekuwa gumzo kwenye kitongoji cha Tainan baada ya kumuoa mwanamke huyo anayetoka maeneo ya ukanda wa kati nchini China katika jimbo la Hunan.Chung ambaye hakuwahi kuoa katika ujana wake, ana watoto wawili aliojitolea kuwalea tangia walipokuwa wadogo ambao hivi sasa mmoja kati ya watoto hao ana umri wa miaka 68.Chung anadai kwamba miaka mitatu iliyopita, alipewa maelezo na Mungu aende kwenye jimbo la Hunan nchini China ili kumtafuta mwanamke anayekuja kuwa mke wake.Chung alifunga ndoa na mwanamke huyo hivi karibuni pamoja na upinzani mkali toka kwa mwanae huyo wa kujitolea ambaye alikuwa akimuona babu huyo kama amelaghaiwa."Inanibidi niwe na mwenza katika uzee wangu... sikuwahi kuwa na mke, kwanini hivi sasa hataki mimi nioe", alisema Mzee Chung.