Basi lawaka Moto 21 wanusurika

ABIRIA 21 waliokuwa wakisafiri na basi la Kampuni ya Scandinavia kutokea Dar es Salaam kuelekea Mbeya wamenusurika kufa baada ya basi walilokuwa wakisafiria kuungua moto. Ajali hiyo imetokea eneo la Melela Wilaya ya Mvomero mkoani Morogoro katika barabara kuu ya Iringa nje kidogo ya Mji wa Morogoro. Kamanda Polisi mkoani hapa Thobias Andengenye alisema tukio hilo limetokea jana majira ya saa 4:30 asubuhi. Alisema ajali hiyo imehusisha basi lenye namba za usajili T 641 AGA lililokuwa likiendeshwa na John Steven. Hata hivyo Andengenye alisema ingawa hakuna kifo kilichotokea ipo hasara ya mizigo na abiria kupata majeraha madogo