Soko La Feri Kujengwa tena!

Wakati tathmini halisi ikilendelea kufanyika juu ya mali na vifaa vilivyoungua moto katika soko kuu la kuuzia samaki Feri Dar es Salaam, halmashauri ya Manispaa ya jiji inaandaa sehemu mbadala ya kuwapa Wafanyabiashara wa samaki. Akielezea suala hilo , Naibu Mkurugenzi wa Manispaa ya Ilala Lawrence Malangwa amesema halmashauri inaandaa mara moja eneo la dharura kuwawezesha wakaanga samaki kuendelea na kazi wakati mkakati wa kuliimarisha soko hilo ukiendelea. Amesema uchunguzi bado unaendelea kufanyika juu ya chanzo cha moto huo katika wakati ambao pia tathmini inaendelea kufanyika kujua ni hasara kiasi gani iliyoitokea mahali hapo. Soko kuu la Samaki Feri liliwaka moto na kuunguza sehemu kubwa ya eneo hilo huku chanzo cha moto huo kikiwa bado kiza kutokana na kutoeleweka ulikotokea