Si utani Jamaa katushika

Ukikumbuka alivyoanza utadhani ni utani au utadhani kama kubahatisha fulani vile kifupi namwongelea Diamond anayetamba na ngoma yake Nenda kamwambie iliyofanyika katika studio za Sharobaro. Mpaka hivi sasa huyu dogo amekamilisha album ambayo ina ngoma kama kumi na mbili. Ameipa jina la Nenda kamwambie ambayo itasambazwa na 'FM Wasambazaji'. Ndani ya hiyo album kuna ladha tofauti tofauti ambazo amewashirikisha vichwa vya bongofleva akiwemo Ngwair na Geez Mabovu kwenye ngoma inaitwa Jisachi, Mzee wa Kabaisa Mr. Blue, Chid Benz, Rommy, Fatuma, Hemedy na dogo flani ambaye nayeye siku za karibuni atakuja kutushika ile mbaya anaitwa Hawa na ngoma ameipa jina la Nitarejea. Ameamua kufanya kwenye studio tofauti ili aweze kutoa vionjo vyenye fleva mbalimbali zikiwemo Sharobaro, 41, J-SIK na Fish crab. Baadhi ya hizo ngoma ni Nenda kamwambie, I hate you, Moyo wangu, Nalia na mengi na Toka mwazo. Albam Itaanza kusambazwa rasmi siku ya Wapendanao maarufu kama "Valentine day"