Afariki Baada ya kufanya Operesheni ya kupunguza makalio!!!!!

Miss Argentina wa mwaka 1994, Solange Magnano mwenye umri wa miaka 38 amefariki dunia baada ya kufanyiwa operesheni ya urembo ya kupunguza makalio.Solange ambaye ni mama wa watoto wawili mapacha, alifanyiwa operesheni hiyo siku ya alhamisi katika hospitali moja katika mji mkuu wa Argentina, Buenos Aires.Solange alitaka kufanya operesheni hiyo ili kupunguza ukubwa wa makalio yake na kuyatengeneza yawe katika shepu ya kuvutia.Aliwahishwa hospitali siku ya ijumaa akisumbuliwa na matatizo ya kuziba kwa mishipa ya damu na alifariki siku ya jumapili."Mwanamke huyu ambaye alikuwa mrembo mwenye kila kitu, amefariki kwasababu alitaka kuwa na makalio madogo", alisema Roberto Piazza, mbunifu wa mavazi na rafiki wa karibu wa Solange.