Wabomoa Kaburi la Bilionea na kuiba maiti

Wanaume wawili wamekamatwa nchini Hungary wakituhumiwa kulilipua kaburi la aliyekuwa bilionea wa Ujerumani Friedrich Karl Flick na kisha kuliiba jeneza lake likiwa na mwili wake.Wanaume hao wamekamatwa kufuatia msako uliokuwa ukiendelea katika nchi za ulaya wakati "Wezi wa Maiti" kama walivyokuwa wakijiita walipodai walipwe fidia ya dola milioni 9.8 toka kwa familia ya bilionea huyo ndipo waurudishe mwili wake."Wahalifu hawa walitaka walipwe euro milioni 6 lakini walilipwa euro laki mbili na familia ya bilionea Flick", alisema afisa wa makosa ya jinai wa Austria, Ernst Geiger.Polisi wa Budapest, Hungary walitangaza siku ya jumatano kuwa wamewakamata wanaume wawili na wanawatafuta wanaume wengine wawili kuhusiana na wizi wa jeneza la Flick ambalo lilipatikana siku ya jumapili nchini humo.Jeneza la Flick likiwa na maiti yake liliibwa toka kwenye kaburi lake novemba mwaka jana katika mji wa Velden, Kusini mwa Austria baada ya wezi kulilipua kaburi lake kwa baruti.Mwezi mmoja baadae mjane wa bilionea Flick alitangaza zawadi ya dola 160,000 kwa mtu atakayeirudisha maiti yake.Jeneza lake inasemekana lilisafirishwa kwa lori toka Australia baada ya kufukuliwa na kuingizwa kisiri nchini Hungary.Mwishoni mwa mwezi uliopita, polisi wa Hungary walifanikiwa kuvipata vipande vya jeneza lake katika sehemu mbili tofauti za mji wa Budapest. Flick alifariki mwaka 2006 akiwa na umri wa miaka 79. Wakati anafariki kwa mujibu wa jarida la Forbes, alikuwa akishikilia nafasi ya 94 kwa utajiri duniani.